lunedì 17 marzo 2008

Tramuntu














Mpronti



Sirinannu lu suli si ni scinni
e lu mari si rapi la pittèra.
Appuiatu a la panza ri na varca
scurdatu nta lu disertu ri la praja
vintu lu cori miu si sdillassa.
Àipi li me pinzieri, s’assicutanu.

Fra stu munnu e la Casa ri Ddiu
c’è forsi lu Pararisu
ccu ciumi ri latti e ri meli,
ccu musichi r'ancili e ri santi.
O forsi c'è m-palluni ri stiddi
ca si ùncia finu all'urtimu bottu.

Ma l’uòmminu è cca, spraiatu
comu tavula purtata ri l'unna,
abbannunatu a lu suli, a lu vientu,
a li martiri ri li jorna
ca s’ancravàccanu
comu nta n-jocu ri carusi.
Cca è l’uòmminu, astronauta spersu
ca cerca la terra prumissa!

Caminu, e supra la rina
li stampi ri li me pirati
s’ìnchiunu ri rragni e ri furmiculi:
tuttu l'universu r’iddi è nta ss'urma!

Ma iu, iu ca nun sugnu furmicula
vuògghiu nèsciri
r’ogni mpronta ri cielu,
vuògghiu scappari ri la riti calata
nta la tunnara ri la menti,
vuògghiu mpastari ccu li manu miei
la terra ca mi runi, o Patri.
Lu geniu miu grida
ri lu carciri ri la lampada.








Tramuntu:
lu suli astuta llustrura ri mari
chiuri pampini e occhi ri ucieddi
stenni ùmmiri e veli ri negghi,
senza tiempu lu tiempu si ncanta
e nta la gloria ri lu santu vèspiru
si cunnuci tuttu lu criatu.
Oh, majaria ri la natura!
Ri ogni nascita e ri ogni morti
mi sientu ngravidatu.

Miu Diu!
Tra lu possibbili e l'impossibbili
c'è sulu la mpronta ri lu to peri
unni uòmmini e furmiculi passìanu.






Impronte. Serenando il sole se ne scende / e il mare s'apre il petto./ Appoggiato alla pancia di una barca / scordato nel deserto della spiaggia / vinto il mio cuore si rilassa. / Gabbiani i miei pensieri, s’inseguono.
Fra questo mondo e la Casa di Dio / forse c'è il Paradiso / con fiumi di latte e di miele / con musiche d'angeli e di santi. / O forse c'è un pallone di stelle / che si gonfia fino all'ultimo botto.
Ma l'uomo è qui, lasciato sulla spiaggia / come un legno portato dall'onda / abbandonato al sole, al vento, / ai martìri dei giorni / che s'accavallano / come in un gioco di ragazzi. / L’uomo è qui, astronauta sperduto / in cerca della terra promessa!
Cammino, e sopra la sabbia / le orme delle mie pedate / si riempiono di ragni e di formiche: / tutto il loro universo è chiuso in quell'orma!
Ma io, io che non sono formica / voglio uscire / da ogni impronta di cielo, / voglio fuggire da ogni rete calata / nella tonnara della mente, / voglio impastare con le mie mani / la terra che mi dài, o Padre. / Il mio genio grida / dal carcere della lampada.
Tramonto: / il sole spegne il luccichìo del mare / chiude foglie e occhi d'uccelli / stende ombre e veli di nebbie, / senza tempo il tempo si ferma / e nella gloria del santo vespero / si riconduce tutto il creato. / Magia della natura! / Di ogni nascita e di ogni morte / mi sento ingravidato.
Mio Dio! / Tra il possibile e l'impossibile / c'è solo l'impronta del tuo piede / dove uomini e formiche passeggiano.

Nessun commento: